निर्मला शाही बौनिया/बौनिया बजार व्यवस्थापन समितिको आयोजनामा सडकपुर बौनियामा जारी ७ औँ संस्करणको सेती लोकमार्ग पहिचान महोत्सवमा आज चौथो दिनमा राष्ट्रिय तथा स्थानीय कलाकारको बेजोड प्रस्तुति रहने छ ।
कृषि, ब्यापार, संस्कृती र पर्यटनको विकास : निर्माणाधिन सेती लोकमार्गको निकास’ भन्ने नाराका दिएको महोत्सवमा आज पुस ११ गते चर्चित गायक हेमन्त शर्मा र सुदूरपश्चिमका चर्चित देउडा गायक लालबहादुर धामी (अछामी बड्डो), हास्री कलाकार दिपेन्द्र,गायिका तथा उद्घोषिका कल्पना कुसुम, लगाएत स्थानिय कलाकारहरुको प्रस्तुती रहने छ ।
मंगलबार एक कार्यक्रमका बिच सुदूरपश्चिम प्रदेशका मुख्यमन्त्री कमल बहादुर शाहले महोत्सवको उद्घाटन गरेका हुन्।
पुस ९ गते देखि पुस १८ गते सम्म सन्चालन हुने महोत्सवमा ८० वटा ब्यापारी स्टल, थारु गाउँ ,रमाइलो मेला लगायत दुई दर्जन बढी राष्ट्रिय तथा स्थानीय कलाकारहरुले आफ्नो प्रस्तुती राख्ने छन ।
महोत्सव अवलोकनका लागि टिकटमा सर्वसाधारणलाइ १ सय रुपैयाँ र विद्यार्थी अपांग, अशक्तहरुलाई ७० रुपैयाँ टीकट निर्धारण गरिएको छ ।
