नेपाली कांग्रेसको १५औँ महाधिवेशनअन्तर्गत सुदूरपश्चिम प्रदेशको महिलातर्फको क्लस्टरबाट अम्बिकाकुमारी चलाउने केन्द्रीय सदस्यमा निर्वाचित भएकी छन्।
केहीबेरअघि सम्पन्न मतगणनाअनुसार चलाउनेले ३ हजार ७५५ मत प्राप्त गर्दै केन्द्रीय सदस्यमा निर्वाचित भएकी हुन्। उनी अछामको पञ्चदेवल विनायक नगरपालिकाकी नगरप्रमुखसमेत हुन्।
उनकी निकटतम प्रतिस्पर्धी कैलालीको लम्कीचुहा नगरपालिकाकी नगरप्रमुख सुशीला शाहीले १ हजार ६४२ मत प्राप्त गरेकी छन्।
सुदूरपश्चिम प्रदेशको महिलातर्फ केन्द्रीय सदस्य पदमा चार जनाको उम्मेदवारी परेको थियो। मतपरिणामअनुसार खिना भण्डारीले ७७५ मत प्राप्त गर्दै तेस्रो र टीकेश्वरीकुमारी हमालले ४९० मत प्राप्त गर्दै चौथो स्थान हासिल गरेकी छन्।
