कैलाली। कैलालीको घोडाघोडी नगरपालिकामा प्रमुख र उपप्रमुख दुबैमा गठबन्धनमा रहेका दलहरूले अग्रता कायमै राखेका छन् । पाँच सय मत गणना हुँदा सम्म प्रमुखमा गठबन्धनको तर्फबाट उम्मेदवार बनेका एकीकृत समाजवादीका खडक रावतले १८८ मत पाएका छन् । उनलाई एमालेका उम्मेदवार ममता प्रसाद चौधरीले पच्छाइरहेका छन् । ममता प्रसाद चौधरीले अहिले सम्म १२५ मत पाएका छन् । राप्रपाकाको तर्फबाट उम्मेदवार बनेका नीरज मल्लले ६९ मत पाएका छन् ।
उपप्रमुखमा गठबन्धनका तर्फबाट उम्मेदवार बनेकी नेपाली काङ्ग्रेसकी गुलिया चौधरीले १६६ मत पाएकी छन् । उनलाई एमालेकी उम्मेदवार करुणा बम बटालाले पच्छाइरहेकी छन् । उनले ११३ मत पाएकी छन् । राप्रपाकी उम्मेदवार लक्ष्मी चौधरीले ५६ मत पाएकी छन् ।
