सुखड माघ ७
कैलालीको जानकी गाउँपालिका वडा न ९ मा रहेको अमरावती सामुदायिक वन भित्र पाटे बाघ मृत अवस्थामा फेला परेको छ । तारले बेरिएको अवस्थामा वयष्क पोथि पाटे बाघ मृत भेटिएको सब डिभिजन वन कार्यलय लम्किका फरेष्टर राम बहादुर रावलले जानकारी दिनुभएको छ ।
फरेष्टर रावलका अनुसार मृत बाघ बाट दुर्घन्ध आईरहेको छ बाघको केहि दिन अगाडि नै मृत्यु भईसकेको थियो । बाघ पासोमा परेको हुन सक्ने बताउदै फरेष्टर रावलले भन्नुभयो,मृत्यु भएको स्थान भन्दा अन्यत्र नै बाघ पासोमा परेको हो नजिक कतै तार छैन । स्याउला लिन जंगलमा पुगेका स्थानियले मृत बाघ देखेपछि प्रहरीलाई खबर गरेका थिए ।
मृत बाघ डिभिजन बन कार्यलय पहलमानपुर ल्याईएको सव डिभिजन वन कार्यलय लम्कीका प्रमुख शेर बहादुर भण्डारीले जानकारी दिनुभएको छ ।
