रोल्पामा तीर्थयात्री सवार जीप दुर्घटना हुँदा १७ जनाको मृत्यु भएको छ ।
रोल्पाको जलजला क्षेत्रमा लाग्ने वैशाख पूर्णिमा जात्रामा पूजा गर्न रुकुम पूर्वबाट तीर्थयात्री बोकेर गएको जीप बिहीबार दिउँसो दुर्घटना भएको हो । दुर्घटनामा १७ जनाको मृत्यु भएको प्रहरीले जनाएको छ ।
थबाङ गाउँपालिका–१, जलजलास्थित सडकखण्डमा जीप दुर्घटना भई करिब ८०० मिटर तल भीरमा खसेको जिल्ला प्रहरी कार्यालय रोल्पाले जनाएको छ । घटनास्थलमा प्रहरी टोली परिचालित भई उद्धार कार्य जारी रहेको छ ।
