दार्चुलामा भएको जिप दुर्घटनामा परेर एक जनाकाे मृत्यु भएको छ भने अन्य १० जना घाइते भएका छन् ।
महाकाली नगरपालिका-६ काे भित्री सडकखण्डमा आइतबार साँझ बागमती प्रदेश ०३००१ ज०२०६ नम्बरकाे जिप दुर्घटना हुँदा साेही ठाउँ बस्ने २८ वर्षीय नरेश बहादुर पालकाे मृत्यु भएको प्रहरीले जनाएको छ ।
प्रदेश ट्राफिक प्रहरी कार्यालय अत्तरियाका प्रहरी नायब उपरीक्षक(डीएसपी) टेकबहादुर जाेराले घाइते अवस्थाका पालकाे उपचारका क्रममा जिल्ला अस्पतालमा मृत्युु भएको बताए ।
उनकाअनुसार दुर्घटनामा चालकसहित १० जना घाइते भएका छन् । उनीहरू मध्ये ६ जनालाई उपचारका लागि धनगढी रेफर गरिएकाे छ भने अन्य समान्य उपचारपषछि डिस्चार्ज भएका छन् ।
