२४माघ/कैलालीको लम्कीचुहा नगरपालिका ६ गुलरामा रहेको त्रिवेणि ग्रामीण बिधुत सहकारी सस्था लिमिटेडको १७ औं बार्षिक साधारणसभा सम्पन्न भएको छ ।
संस्थाका अध्यक्ष बिलारु थारुको सभापतित्वमा भएको कार्यक्रमका प्रमुख अतिथी लम्कीचुहा नगरपालिका वडा नम्बर ६ का वडा अध्यक्ष लोकेन्द्र कठायत रहनु भएको थियो ।
संस्थाका उपाध्यक्ष गोबिन्द ओलीको स्वागत मन्तव्य संगै सुरु भएको कार्यक्रममा सस्थाका पुर्व अध्यक्ष टेक बहादुर बिस्ट,समाजसेवी महेश रावल ,दल बहादुर रावल ,टंक प्रशाद उपाध्याय , नृप बहादुर परियार सल्लाहकार सदस्य सन्तलाल चौधरीले शुभकामना मन्तव्य राख्नु भएको थियो ।
कार्यक्रममा अध्यक्ष बिलारु थारुले अध्यक्षको प्रतिबेदन र लेखा समिति संयोजक मान बहादुर शाहीले आर्थिक बर्ष २०८१/०८२ को १ करोड १० लाख ९६ हजार ७ सय ८७ रुपैयाँ बराबरको आर्थिक प्रतिबेदन प्रस्तुत गर्नुभएको थियो ।
कार्यक्रममा ६ सय ५६ जना शेयर सदस्यहरुलाइ १/१ वटा उपहार स्वरुप बल्व बितरण गरिएको थियो ।
कार्यक्रमको संचालन लेखा समिति सदस्य लिला जंग शाहीले गर्नु भएको थियो ।
