२८ भदौ/कैलालीको खुटिया नदीले जल सतर्कता तह पार गरेको छ।
मुडीभर जलमापन केन्द्रमा हालको जलसतहले सतर्कता तह पार गरेको र बढ्दो क्रममा रहेको जल तथा मौसम विज्ञान विभागले जनाएको छ।
तल्लो नदी तटीय क्षेत्र र डुबान भइरहने होचा भू–भागहरूमा रहेका नागरिकलाई भोलि बिहान सम्म सचेत रहन विभागले आग्रह गरेको छ।
सुदूरपश्चिममा बिहीबार देखि भारी वर्षा भैइरहेको छ । लगातारको बर्षाका कारण यस क्षेत्रका नदीहरुमा पानीको सतह बढेको हो।
