कैलालीको बर्दगोरिया गाउँपालिकामा पालिका स्तरिय कृषि विकास रणनीति, प्याड्स (Provincial Agriculture Development Strategy PADS) सम्बन्धि किसानहरु संग अन्तरक्रिया तथा छलफल गरिएको छ ।
बर्दगोरिया गाउँपालिका स्तरीय तरकारी,फलफुल उत्पादक कृषक मञ्चको आयोजनामा भएको छलफल तथा अन्तरक्रियाको प्राबिधिक सहयोग कृषी बिकास शाखा र पशु सेवा शाखाले गरेका थिए ।
बर्दगोरिया गाउँपालिका स्तरीय तरकारी,फलफुल उत्पादक कृषक मञ्च का अध्यक्ष लल्ता प्रसाद डगौरा थारु को अध्यक्षतामा भएको कार्यक्रममा प्रमुख अतिथि बर्दगोरिया गाउँपालिका वडा नम्बर १ का अध्यक्ष मिथुन गौतम रहनु भएको थियो ।
कार्यक्रममा बोल्दै प्रमुख अतिथी वडा अध्यक्ष मिथुन गौतमले सम्रग देशको विकासको लागि कृषिमा उन्नति आवश्यक रहेको बताए । कृषि विकासका लागि आवश्यक रणनीतिको पनि आवश्यकता पर्ने हुदा किसानले पनि आवश्यक नीति नियम अपनाउनु पर्ने बताए ।
कृषि हाटबजारलाई थप प्रभाव कारी कसरी बनाउन सकिन्छ भन्ने उद्देश्य तर्फ सबै किसानहरुले सोच्नु पर्ने बताउदै वडा नम्बर ४ मा पनि कृषि हाट बजार संचालनका लागी किसानले आफ्नो बारिमा तरकारी ,फलफुल उत्पादन गरेर बजार सम्म ल्याउन सके सम्भावना रहेको समेत बताए ।
प्रदेश सरकारका ऎन नियमावली अनुसार काम गर्न र प्रदेश सरकार कृषि ज्ञान केन्द्रले सुचना जारि गरेको कार्यक्रमलाई कसरी प्रस्तावना पेश गर्ने बारे किसानहरुलाई सहज कसरी गर्न सकिन्छ भन्ने बिषयमा छलफल गरिएको कृषि शाखा प्रमुख झन्कर रावतले जानकारी दिए ।
कृषि क्षेत्रका संघ प्रदेश र स्थानिय तहको काम कर्तव्य र अधिकारको कार्यान्वयन तथा संघ र स्थानिय तहका नीति कार्यक्रम, ऐन तथा प्राथमिकताहरुलाई सहजिकरण गर्न यो रणनितिले महत्वपूर्ण भूमिका खेल्ने कृषि शाखा प्रमुख रावतले बताए ।
कार्यक्रममा पशु सेवा शाखाका प्रमुख जय प्रसाद कोईराला , अनिल ओलि,बिरेन्द्र चौधरी लगाएत किसानहरुको सहभागिता रहेको थियो ।
